Overview
Tša Ka Gare: 1) Dipadi [Re ka bala dilo ka menwana go fihla ka dikete. Ka sebadi re ka bala le go hlakantšha dipalo tše dikgolo go feta dikete. Ka lephephe re kgona go ba le rekhoto. Dipalo tša kganetšo di bala bontšhi ka tlase ga lefela. Di re thuša go bala sekoloto, go bontšha taetšo (direction), le tše dingwe.] 2) Mešongwana Ya Dipalo [Ge re tseba palomoka ya dipadi tše pedi, dife goba dife, re tla kgona go hlakantšha le go ntšha dipalo tše dikgolo ge re di beakantše ka dikete, magolo, masome le mentšo. Go atiša ke go hlakantšha gape le gape ebile go bonolo ge re tseba setšweletšwa sa dipadi tše pedi dife goba dife gomme re atiša palo ye ka mentšo, masome, makgolo, le dikete tša palo yela. Mokgwa wa bonolo wa go arola ke go ntšha dikete tša kgauswi le palo yeo re e arolago, le makgolo a yona, masome le mentšo go fihlela sešadišwa ele lefela goba palo ya ka tlase ga yeo re arolang ka yona. Gomme karabo ke palomoka ya makgetlo ao re ntšhitšeng yeo re arolang ka yona. Go meta bontšhi, re swanetše go bea diripana magareng ga dipalo tšeo di feletšeng.] 3) Diripana [Ge re di file maina, re kgona go di šomiša bjalo ka dipadi (digits). Dipalo tšeo di nang le tšeo di tsenang ntle le go šadiša (factors) di re thuša go dira diripana tša go lekana, le go dira dikelo (units) tša go meta nako, boima, botelele, goba dilo tše dingwe. Diripana tša go swana le dilai tša pizza, metsoso le metsotswana ya nako di bontšha mehola ya diripana. Mo kgaolong ye, re bontšha ditsela tša bobadi tšeo re di latelang ge re hlakantšha, re ntšha, re atiša difraction le ge re arola palo ka fraction. Re bontšha le mekgwa ya go ripa ka lesome eleng seo se re fang masongwana (decimals). Ka ge didecimal ele dipadi, di nolofatša mešongwana ya dipalo go feta diripana, ebile di fa nepo (digital precision).] 4) Bontšhi Bjo Re Sa Bo Tsebeng [Melao ya bobadi bjalo ka go hlakantšha goba go ntšha palo ya go swana ka mo le ka mo ga equation, le go atiša ka reciprocal ka mo le ka mo, yeo e bonalang ele go tshediša term e re thuša go hwetša dikarabo. Go šomiša mangwalwana (variables) bjalo ka "x" goba "a" le "b" go re thuša go fa dikarabo tša kakaretšo le go ngwala melao ya bobadi ya kakaretšo ka bokopana. Mengwalo ya ditekatekano e re thuša go rarolla diproblem tša go fapana ge fela mongwalo wa ka go left o emetše palo ya go lekana le mongwalo wa ka go right wa equation. Diswani (identities) ke mengwalo yeo e fang karabo ya go swana le ge palo yeo e emetšweng ke "x" e ka fetoga.] 5) Mešongwana ya Algebra [Algebra e bontšha mekgwa ye mekaonekaone, yeo e nabileng, ya bobadi. Go atiša le go arola mengwalo ya algebra ke mošomo wo o nyakang hlokomelo ye kgolo le practice go fihlela re tlwaela go lokela le go tlogela mašakana. Go nolofatša mongwalo, re swanetše go tseba seo eleng term ka ge re tshediša term ka moka eseng diripana tša term. Ge mongwalo (expression) ele fraction re swanetše go tshediša "x" goba numerator gomme re bone gore ke efe yeo e re fihlišang karabong. Go tseba papano magareng ga subtraction le minus goba positive le plus, gape le go fetoga ga maswao, go bohlokwa kudu ge re šoma ka dipalo tša kganetšo (negative numbers).] 6) Mengwalo ya Algebra [Kgaolo ye e hlalosa dihlaka (terms) tša go fapana tša mongwalo wa algebra. E hlalosa gape le gore re swanetše go šoma ka term efe pele. Re swanetše go dula re gopola gore go tshediša diterm ke tsejana ya go kgaoletša fela. Go swana ga dipoelo (consistency) ge re latela ditsela tša go fapana go re thuša go thibela boaketši (fallacy).] 7) Pego Ka Dipalo [Dilo tšeo di metwang ke tše šupa fela gomme dikelo tša tšona di bitšwa SI Units. Ka morago ga go meta, babadi le boramahlale ba dira pego ka diswantšho tšeo di bontšhang go fetoga ga selo se ge se bapetšwa le sela. Ba šomiša mehuta ya go fapana ya diChart le diGraph. Ebile ba kgona go lemoga kamano ya tšeo ba di metilego gomme ba bontšha dikgopolo (theories) tša bona ka equation.]
Product Details
| BN ID: | 2940165900662 |
|---|---|
| Publisher: | Nare Mautjana |
| Publication date: | 07/10/2022 |
| Sold by: | Smashwords |
| Format: | eBook |
| File size: | 3 MB |
| Age Range: | 5 - 11 Years |
| Language: | Sotho |