????? ??????? ? ?? ???? ????????? ???? ????? ?????? ? ??????? ?????????

by Dr.Mohamed Ghoneim

Overview

مصاصي الطاقة بيستخدموا طريقة مخدرة كلها مكر ودهاء، اللي هي ابتسامة ناعمة جدا وكلها ذوق وأدب، بس خلي بالك ده مخدر لفترة قصيرة عشان تحس بنشوة الانتصار والسيطرة مش أكتر، وساعتها تقع في الشبكة وتنخدع فيهم بمزاجك وبكامل إرادتك. هما بيلعبوا في الأول على استراتيجية الاهتمام الشديد والتقرب عن طريق الغزل أو المدح أو الهدايا ........ بس! وخد بالك من بس دي أوي- كل ده هيتوفر في حالة الاستسلام والانصياع، بمعنى جرب كده انك تختلف معاهم أو حتى ما تنفذش اللي بيطلبوه و عايزينه، ساعتها بقى حضرتك بتشوف التحول أو الوش التاني، ساعتها بتلاقي رد عنيف مش متوقع يحسسك بالذنب، أو يضغطك بتجاهله ليك على هيئة عقاب واللي عارف انه هيوجعك لانه خلاص علقك بيه أوي... يعني هو نرجسي مناور بيعافر ويكافح للوصول للسيطرة عشان دي بتحسسه انه صاحب اليد العليا. افهم التكتيك عشان انا بطلب منك تشوف سلوكهم مش كلامهم..
والنوعية دي برضه من صفاتها انهم مش بيعترفوا ابدا بغلطهم بالعكس كل حاجة غلطتك أنت وأنت السبب فيها كمان!!! صعب جدا تلاقيهم جايين ندمانين أو يتأسفوا، ليه بقى؟؟؟ ها ليه؟ ليه ها؟؟؟ حاضر هقول أهو... لانك بالنسبة ليهم حق مكتسب، بتاعهم. حقهم. وان الحياة بالنسبة ليهم مجرد ماتشات بس لاااازم يطلعوا كسبانين كل مرة، لدرجة انهم حتى مش هيرموك عضم لأحسن يحتاجوك قدام.... آي!! وجعت مش كده؟؟ معلش، دول كمان كنوع من المراوغة ساعات بيعتذروا بس عشان ما يخسروكش وده ضحك علي الدقون لانك صعب تلاقي تغير مستديم. واحد طبيعته مستغل ونرجسي لازم يخوض معركته بنفسه ويواجه طريقة تفكيره ويواجه نفسه يعني ده ما يخصكش، اللي يخصك انك توصل لمرحلة ان ما لكش مالكة ومحدش يقدر يضغط عليك لان الناس دي هتستخدم كل أوراق الضغط عشان تخضع ليهم يعني مثلا ياخد/ تاخد عيالك أويمنع المصروف!! اشتري كتاب عروسة ماريونت و لا قائد اوركسترا عشان نعرف ازاي ننقذ نفسنا أو اللي يهمونا من مص الطاقة ده..

Product Details

BN ID:	2940164468750
Publisher:	Dr.Mohamed Ghoneim
Publication date:	08/02/2020
Sold by:	Draft2Digital
Format:	eBook
File size:	224 KB
Language:	Arabic

About the Author

د/محمد غنيمِ حاصل على الدكتوراه من جامعة كاليفورنيا فى القيادة التعليمية للمساواة و العدالة الاجتماعية وحاصل على الماجستير فى الاداب من جامعة امبوريا بالولايات المتحدة الامريكية. عملت كمدير مدارس خاصة و اول مصري يدير مدرسة حكومية بالولايات المتحدة و عضو مجلس اداره مدرستين. وعملت ايضا بالتدريس بجامعة امبوريا بالولايات الامريكية. لدى كتب و ابحاث منشورة بمجلات ومؤتمرات علمية. اعمل حاليا مدير احدى المدارس الدوليه.