Tša Ka Gare: 1) Dipalo Ga Di Fele [Mehuta ya dipalo ya go fapana ke “tša go bala dilo (natural numbers)”, “tša kganetšo le tša kgonthe tšeo di feleletšeng (whole numbers)”, “diripana tšeo re di ngwalang ele palo ya go felela ka godimo le ka tlase (rational numbers)” le “diripana tšeo re sa kgoneng go di ngwala ele diratio (irrational numbers)”, le ye mengwe. Palo ya dipalo mo molokolokong ke “yeo e sa feleng” (infinity).] 2) Ditatelano [Ge dipalo di latelana ka mokgwa wo o itšeng wa go swana, re di bitša molokoloko (sequence). Mehlala ke “tšeo di lekanetšeng (even)”, “tša nthla (odd)”, ditriangular numbers, disquare, dicube, difactorial, le tše dingwe]. 3) Medu [Go nyaka medu (roots) eleng go arola gape le gape, ke mošongwana mo bobading wo o dirollang mošomo wa diexponent eleng go atiša gape le gape. Bjalo ka ge go hlakantšha go dirolla ke go ntšha, gomme go atiša go dirolla ke go arola]. 4) Masome le Masongwana [Boramahlale ba šomiša dipalo tše dikgolo-kgolo le tše dinnyane-nnyane kgafetšakgafetša. Ka ge dipalo tše di na le dipadi tše dintšhi kudu, boramahlale ba šomiša mongwalo wa diexponential number. Mongwalo wo o bontšha gore palo ye kgolo-kgolo e atišitšwe ka 10 ga kae goba palo ye nnyane-nnyane e arotšwe ka 10 ga kae. Go thwe 10 ke base. Mongwalo wo o hlotše mošongwana o mongwe wa bobadi eleng dilogarithm moo re šomišang fela exponent ya 10 goba exponent ya base ye e itšeng.] 5) Mašakana Le Diexponent [Gore re kgone go latela melao ya Algebra gabotse, re šomiša mašakana. Kgaolo ye e hlalosa mo mašakana a nyakegang le mo a tlogelwang]. 6) Diequation Tša Go Fetana [Babadi ba beakanya diequation ka lenaneo, gomme di fetana go ya ka exponent ya godimo ya x mo go tšona. Go thwe equation ke ya thetologo (degree) ye e itšeng. Mohlala, x ― 3 = 5 ke 1st degree equation, x^2 +2x ― 9 = 18 ke 2nd degree (goba quadratic) equation, mola x^3 ― 19 = 8 goba 2x^3 +4x^2 ― x = 72 ele di 3rd degree (goba cubic) equation. Equation ya 1st degree e na le karabo ye tee ya x . Eupša 2nd degree equation e na le dikarabo tše pedi tša x mola 3rd degree equation e na le dikarabo tše tharo tša x, bjalobjalo.], 7. Mekgwa Ya Go Rarolla Equation [Kgaolo ye e hlalosa mekgwa ya go hwetša dikarabo tša x eleng go ntšha tšeo di tsenang (factoring) le go šomiša mongwalo wa karabo ya kakaretšo, formula]. Kgaolo 8 e bontsha diequation tseo di nang le dikarabo tse dintshi, mola Kgaolo 9 e bontšha dibopego tšeo di tšwelelang ge re thala mothalo wa go kgomantšha dikarabo eleng digraph. Kgaolo ya lesome e hlalosa mafapha a mangwe a mathematics.
