Tumakbo ako palapit sa likod ng bahay. Hinanap ko ang bisikleta doon. Natatabunan na ito ng maraming mga basura. Marami ng kalawang ito pero di ko na inintindi. Sumakay ako at sinubukang pumedal kahit di ako marunong. Naging kulay ginto ito at kumikislap ito. May isang bilog na bagay sa bandang manibela nito na nagniningning.

Hinigop ako ng isang umiikot na liwanag na di ko alam kung saan nanggaling at biglaang dinala ako nito sa isang madilim na lugar at may nagsalita ng malakas, “Isang libo walong daan at animnapu’t isa”. Ha? 1861? Nasa panahon ako ng mga Espanyol? Pero bakit? Gabi noon at nasa isang malawak na lupain ako na maraming puno, at sa kabila ay mayroong ilog.

************

BLURBS/REVIEWS:

"Creativity is embedded in every soul. Whatever one believes one can do possesses the power that impels movement to achieve. The young Dexter Bano, just graduated from high school and now on his first year in college, proves that this is so. "Bisikleta ni Pepe," his first book about Rizal, is just the beginning." - Dr. Pablo S. Trillana III

"Ang ginawa ni Dexter na maikling kwento na 'Bisikleta ni Pepé' ay isang malikhaing pagtatangka ng isang kabataan rin na buhayin ang kabataan ni Dr. Jose Rizal para sa kabataang ng panahong ito. Hindi lamang mga kaalaman ang makukuha ng bata rito kundi huwaran ng karakter na maaaring humubog sa mga bata. Sana dumami pa ang mga ganitong pagtatangka. Panahon nang tumindig ang mga kabataan tulad ni Dexter, at ni Pepé Rizal." - Prop. Michael Charleston "Xiao" Chua

Ang "Bisikleta ni Pepe" Volume 1 ay isang matapang, malikhaing pagtatangka na buhayin si Pepe o Gat Jose Rizal sa mga kabataan. Isa ang hamon sa akdang ito, "Paano ihahalo ang mahika, imahinasyon at kasaysayan upang maikwentong muli si Dr. Jose Rizal?" Ang hamong iyan ay sasagutin kabilang ang mga tanong na sumusunod:

1. May bisikleta ba si Pepe?

2. Sino si Jose De Jesus?

3. May kaugnayan ba si Jose De Jesus kay Pepe?

4. Hadlang ba ang mga pagsubok upang maging mabuting kabataang gaya ni Pepe?

5. Ano ang magagawa ng kabataan upang maging gaya ni Pepe sa makabagong panahon?