ميمونة بنت الحارث هي ميمونة بنت الحارث بن حزن بن بحير بن هزم بن رويبة بن عبد الله بن هلال بن عامر بن صعصعة. كانت بنت خالة خالد بن الوليد. ام الفضل مرات العباس بن عبد المطلب عم النبى كانت اخت ميمونة و كانت ميمونه موكلاها فى تجويزها. ام الفضل وكلت جوزها العباس بتجويز ميمونه اللى كان عندها فى الوقت ده 26 سنه. وقت دخول المسلمين مكه بعد صلح الحديبه و السماح ليهم بالقعاد فى مكه لمدة تلت تيام العباس كلم ابن اخوه فى الموضوع و عرض عليه انه يتجوزها فقبل النبى محمد العرض و دفع مهر 400 درهم. لكن فى الوقت ده مهلة التلت تيام كانت خلصت فراح سهيل بن عمرو و حويطب بن عبد العزى للنبى و قالوله: " أنقضى اجلك فأخرج عنا " ، فرد عليهم: " ماعليكم لو تركتمونى فأعرست بين أظهركم وصنعنا لكم طعاماً فحضرتموه " ، لكن ردو عليه: " لا حاجة بنا الى طعامك فاخرج عنا " ، فمشى النبى و المسلمين من مكه كتنفيذ للمعاهده و ساب النبى مولاه ابو رافع فى مكه عشان يوصله ميمونه فجابهاله فى سرف جنب مكه. ميمونه كانت اخر واحده اتجوزها النبى محمد و عاشت 50 سنه بعد وفاته. اتوفت سنة 51 هـ و وصت بإنها تندفن فى مكان الدخله فى سرف.
